.png)
Faqet e rrjeteve sociale janë komunitete virtuale pasi mundësojnë qasje në kohë reale, sinkronizim të komunikimit, mundësi të postimit dhe ndarjes së fotove, videove, punës origjinale dhe kreative. Këto faqe janë shumë tërheqëse dhe joshëse për fëmijë dhe adoleshentë. Ato ofrojnë mundësi të shumta për aktivitetet argëtuese që adoleshentët i dinë dhe i dëshirojnë.
Por ka edhe nga ata njerëz që edhe pse janë pjesë e rrjeteve sociale, janë shumë pasiv në përdorimin e tyre. Sidoqoftë ka disa këshilla që mund t’ju ndihmojnë nëse jeni pjesë e Facebook, Twitter, Instagram, Tumblr, Google +, ose Pinterest, për të qëndruar në hije dhe të pabezdisur.
Nuk ka pse të tërhiqeni
Merrni kontrollin, duke shkuar direkt në tema interesante për ju. Këtë mund ta bëni kur deklaroni interesat tuaja gjatë regjistrimit, por edhe tek profili juaj.
“Unfollow” dhe “bookmark”
Nëse jeni i tërhequr pas një çështje, ose diçka ju kujton një ngjarje traumatike, ju mund ta shmangni këtë temë duke e hequr nga “timeline” apo faqja e parë e përditshme. Pra mund të klikoni “Unfollow”, ndërsa për tema interesante që doni të mos i humbisni “bookmark”. Këtë mund ta bëni periodikisht tek kalendari për shembull një herë në javë, në mënyrë që të mos humbisni edhe ngjarjet e mëdha.
Bllokoni ish-in tuaj dhe hidheni çelësin tutje
Ndërsa mediat sociale janë të afta për të bërë lidhje dhe biseda që mund të jenë të padëmshme dhe argëtuese, disa ndarje duhet të qëndrojnë po ashtu. Bota e internetit është mjaft e madhe, aq e madhe sa për të mos e parë më kurrë ish-in tuaj. Qoftë në Facebook, Twitter apo Instagram. Thjesht jepini “ban”.
Mbani një listë të ‘hashtags’ që ju bëjnë të lumtur
Ju e dini se çfarë ju bën të lumtur dhe dini ku ta gjeni atë. Për shembull, nëse doni informacion rreth luleve, përdorni hashtags “#lule” si një kërkim i ruajtur në Tëitter. Fakti është se numri një i hashtag më popullor është fjala “#dashuri”.
Qetësohu! Shih perspektivën!
Media sociale është një vend ku të gjithë paraqesin vetëm atë që duan që ju të shihni. Mos kini zili për asnjë në Facebook. Kujtoni veten shpesh dhe gjithmonë, se askush nuk ka një jetë të përsosur…
Mjafton ta fshish
Aktiviteti juaj i fundit (p.sh. një koment mbi statusin e dikujt tjetër) ka qenë aty për 10 minuta të tëra dhe nuk ka ndodhur asgjë. Ju ndiheni si një i dështuar. Askush nuk interesohet për atë që shkruan ti. Kjo nuk ka të bëjë fare me ty si person, kështu që mblidhni mendjen. Ndoshta gjithkush ishte i zënë, ose ndoshta ajo nuk u shfaq në “timeline” e tyre. Apo ndoshta ata nuk mendojnë se kjo është një argëtuese. Në qoftë se kjo me të vërtetë ju mërzit, atëherë fshijeni. Askush nuk do ta vërë re.
Vazhdoni përpara!
Postoni vetëm mesazhe pozitive! Nëse ju përhapni tema rreth dashurisë, jo vetëm që njerëzit ka shumë të ngjarë të angazhohen me ju, por do të merrni diçka në kthim, sepse kjo do të rritë disponimin tuaj. Kjo është një prej “tweets” më të njohura – ajo kurrë nuk dështon dhe gjithmonë na bën të buzëqeshim!
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
