Rehabilitimin e vijës hekurudhore Tiranë-Durrës dhe ndërtimin e linjës së re që lidh Tiranë-Durrës me Aeroportin Ndërkombëtar të Tiranës do ta ndërtojë firma italiane me seli në Torino INC S.P.A .
Tenderi që pritej të zhvillohej janarin e kaluar, ka përfunduar në tetor dhe kontrata sipas njoftimit të BERZH është nënshkruar më datën 19 të këtij muaji.
Kontrata e nënshkruar vlen 69.691.711,57 EUR dhe INC S.P.A . ishte kompania që ka ofruar shumën më të vogël.
BERZH thotë se po konsideron një hua sovrane deri në 36.87 milion EUR për Qeverinë e Shqipërisë ("Huamarrës" ose "GoA") për ndërtimin e Hekurudhës Shqiptare.
Kredia do të përdoret për të financuar rehabilitimin e afërsisht 34,17 km linje hekurudhore midis Terminalit të Transportit Publik të Tiranës ("PTT") dhe qytetit të Durrësit si dhe ndërtimin e linjës së re hekurudhore me gjatësi rreth 5 km dhe shkëmbimin e saj që lidh Tiranën - Linja e Durrësit me Aeroportin Ndërkombëtar të Tiranës ("Projekti").
Kredia e Bankës do të përdoret për të bashkëfinancuar punimet e ndërtimit në lidhje me Projektin.
Projekti përbëhet nga) Rehabilitimi i vijës hekurudhore ekzistuese midis qyteteve të Tiranës dhe Durrësit dhe Ndërtimi i një linje të re hekurudhore që lidh linjën Tiranë-Durrës me Aeroportin Ndërkombëtar të Tiranës (TIA).
Ky projekt ishte një nga tre projektet fituese në Samitin e Parisit, të mbajtur në korrik 2016, ku konkurronin për fonde të BE/ËBIF (Fondi i Investimit për Ballkanin Perëndimor) projekte nga 6 vendet e Ballkanit Perëndimor.
Ky projekt sipas Ministrisë së Infrastrukturës paraqet edhe një risi në lëvizjen e pasagjerëve drejt Aeroportit “Nënë Tereza” nëpërmjet përdorimit të trenit që do të konkurrojë drejtpërsëdrejti me përdorimin e makinave private, duke ndikuar edhe në përmirësimin e qarkullimit të makinave në oraret e pikut të lëvizjes. Projekti synon të realizojë me efektivitet multi-modalitetin e sistemit të transportit ne zonën metropolitane Tiranë-Durrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.