.png)
Kryetari i Bashkisë Mallakastër, Qerim Ismailaj rezulton i dënuar në mungesë me 3 vjet burg në vitin 1998 në ishullin Mitilini në Greqi.
Ismailaj ka gënjyer në formularin e dekriminalizimit duke mos e shkruar këtë dënim dhe për këtë arsye ai akuzohet për falsifikim të formularit të dekriminalizimit.
Për herë të parë ndaj tij ka ardhur edhe reagimi nga PS.
Të enjten, zv-kryeministri Erion Braçe i ka dalë në mbrojtje, duke akuzuar opozitën.
“Kryetari i Bashkisë Mallakastër është dënuar në mungesë e pa dijeninë e tij sepse ka kërkuar rrogën tek një punëdhënës në Greqi!!!!!
E ka shkelur sepse e ka kërkuar edhe me forcë si punëtor krahu që ishte;
Por mendojeni, në Greqi shqiptarët kanë punuar e punojnë prej vitesh në punë pa sigurime, kanë ndërtuar në Greqi, ishuj pafund, por nuk mbrohen nga asnjë sindikatë!
Tani vëreni veten në lëkurën e një punëtori në ndërtim në Greqi që rropatet dhe i mohojnë rrogën, merrni frymë dy herë e kujtoni edhe familjarët tuaj që e kanë bërë e vuajtur këtë hall atje poshtë, në ishuj!
E kuptoni çfarë turpi është?!
E kuptoni çfarë idiotësh ka në opozitë ky vend?”, shkruan ndër të tjera Braçe
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
