Sipas të dhënave nga Banka e Shqipërisë, obligacionet me maturim dy vjeçar kanë pësuar rënie në ankandin e fundit të zhvilluar.
Ata u shitën me një normë interesi fiks apo kupon prej 2.58% nga 2.65% që u shënua në akandin e kaluar.
Kërkesa e tregut për këto instrumente ngelet e lartë, me një shumë totale kërkesash të paraqitura në ankand prej afro 8.8 miliardë lekësh, nga 6.9 miliardë lekë obligacione të nxjerra në shitje nga Ministria e Financave.
Në ankand u paraqitën 24 kërkesa totale nga të cilat u pranuan 20 prej tyre.
Sipas të dhënave nga nga Autoriteti i Mbikëqyrjes Financiare (AMF), blerjet e obligacioneve në tregun primar nga individët u rritën me 51% gjatë vitit 2020. Rritja e kërkesës për blerjen e tyre nga individët është nxitur sidomos nga normat më të mira të interesit në krahasim me depozitat bankare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.