Nga Gazeta 'Si'- Në konferencën vjetore, kryeministri Edi Rama u pyet edhe për ish-ministrin Ilir Beqaj dhe emërimin e tij në krye të SASPAC, në një kohë që ai ishte në hetim për një tjetër akuzë.
Rama theksoi faktin se në momentin e parë që Beqaj u vu nën akuzë ai u largua nga detyra dhe se kjo tanimë është në dorë të drejtësisë.
Sa i përket Agjencisë të drejtuar më parë nga Beqaj, Rama u shpreh se ky institucion nuk menaxhon fonde as të BE-së dhe as të donatorëve.
"lir Beqaj në sekondat që u vu në një akuzë iku nga detyra. Të jemi të qartë. Ishte koordinator i ndihmës në një institucion që nuk menaxhon fonde të BE-së, nuk menaxhon fonde të asnjë donatori, është një zyrë koordinimi në funksion të qeverisë shqiptare dhe një urë komunikimi me të gjithë donatorët për të gjitha proceset e akordimit të fondeve të huaja të cilat nuk kalojnë nga kjo zyrë por nga entitete e tjera që i disponojnë dhe më pas kryejnë procedurat e tyre. Zhurma e bërë për zhvatje fondesh të BE-së është një gënjeshtër pasi zyra nuk menaxhon fonde të BE-së.
Nuk i kalon fonde as nga BE-ja dhe nga asnjë institucion tjetër. Pastaj sa i përket çështjes në fjalë nuk ka fare lidhje me punën e qeverisë dhe timen. Ka lidhje me punën organeve të drejtësisë. Janë pyetje që nuk duhet t'i adresohen qeverisë, është punë e drejtësisë. Të vazhdojë drejtësia. Fakti që dikush merret në hetim nuk është provë faji.’- tha Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.