.png)
Nga Gazeta Si- Një ditë pas helmimit të studentëve të Akademisë së Sigurisë, ka reaguar AKU, duke thënë se kompania SORI-AL ka kushte të përshtatshme higjieno-sanitare, reagim që vjen pasi kompania tha se problemi i helmimit mund të jenë kushtet e papërshtashme në Akademi.
Në njoftimin e AKU shkruhet se janë kryer verifikimet përkatëse në SORI-AL, subjekt i cili ushtron veprimtarinë e catering-ut pranë Akademisë së Sigurisë si dhe në Garnizoni “Skënderbej” pranë Akademisë së Forcave të Armatosura.
Gjithashtu është marrë dhe kampionimi i 14 mostrave (7 kampione nga vakti i drekës dhe 7 nga vakti i darkës për analizim për treguesit mikrobiologjikë pranë laboratorit të ISUV.
Gjithashtu AKU thotë se është bërë dhe kontroll në “Garnizoni Skenderbej”, ku është kryer përpunimi i produkteve.
Në këto ambiente u konstatuan kushte higjieno-sanitare të përshtatshme dhe dokumentacion i plotë shoqërues. Gjatë procedurës u krye marrja e 14 mostrave në ruajtje të ushqimeve të gatuara nga vakti i drekës dhe darkës si dhe 5 mostra tampon për higjienën ambientale dhe të pajisjeve, të cilat u dërguan për analizim pranë ISUV.
Ky reagim vjen pas deklaratës së kompanisë SORI-AL që tha se gjatë kontrolleve, të bëra pas helmimit para pak kohësh të studentëve, janë konstatuar dhe dokumentuar raste të futjes dhe konsumimit në ambientet e Akademisë të produkteve ushqimore të porositura nga jashtë sistemit të furnizimit të kontraktuar.
Gjithashtu, në reagim thuhet edhe se ka konstatuar se procesi i konsumimit të ushqimit zhvillohet në kushte ku mungojnë disa elementë bazë të kushteve higjieno-sanitare, si mundësia për larjen e duarve me ujë të ngrohtë dhe detergjent përpara konsumimit të vakteve.
“Gjithashtu, është vërejtur se në shumë raste studentët paraqiten për konsumimin e ushqimit menjëherë pas përfundimit të stërvitjes”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje