.png)
Ata hanin oriz dhe pite, flinin në karrige plastike të rreshtuar dhe për të shkuar në tualet duhej të trokisnin dhe të prisnin deri në një orë e gjysmë para se dikush tu hapte derën.
Këto janë disa nga historitë - të mbledhura nga mediat izraelite - që pengjet izraelitë të liruar u thanë familjeve të tyre pasi arritën në qendrat mjekësore të përdorura për trajtimin fillestar.
Keren Munder, e liruar të premten në mbrëmje, i tha kushëririt të saj Merav Raviv se ata kryesisht hanin oriz dhe bukë arabe, (pita) dhe pushonin në rreshta karrigesh plastike, si ato në dhomat e pritjes.
“Kur na duhej të shkonim në banjë, trokitnim në derë dhe ndonjëherë duhej të prisnim një orë e gjysmë para se të shkonim”, tha Merav.
Yaffa Adar, 85 vjeç, dhe Ruthie Munder, Keren Munder dhe Ohad Munder Zichri - gjyshja, nëna dhe mbesa - u treguan të afërmve të tyre për lirimin, por mbi të gjitha se si shkuan gjërat në atë 7 tetor.
Merav Raviv raportoi se halla Ruthie Munder, kushëriri i saj Keren dhe djali i Kerenit, Ohad, u rrëmbyen nga shtëpia e Ruthie dhe xhaxhait Avraham Munder në Kibbutz Nir Oz.
Avraham Munder nuk është në gjendje të mirë shëndetësore, ecën me shkop dhe nuk sheh mirë, ndaj terroristët e lanë atë. Familja mendoi se ai ishte vrarë dhe vetëm dje zbuloi se burri ishte rrëmbyer nga një grup tjetër milicësh. "Deri dje mendonin se ai ishte vrarë," thotë Raviv. “Duhet t'i tregonim atij se vëllai i Kerenit, Roi, u vra dhe se xhaxhai Avraham tani është në Gaza si peng.
Yaffa Adar "është një grua e jashtëzakonshme dhe këmbëngulëse", tha mbesa e saj Adva. Ajo e di se çfarë ka ndodhur me shtëpinë e saj, e cila u shkatërrua.
Ndërkohë, Hamasi është i përkushtuar ndaj marrëveshjes katërditore të armëpushimit me Izraelin dhe është i gatshëm të lirojë të gjithë pengjet në këmbim të lirimit të të gjithë të burgosurve palestinezë në burgjet izraelite.
Këtë e konfirmoi Ghazi Hamad, anëtar i byrosë politike të Hamasit, siç raporton Al Jazeera. “Prioriteti ynë është ndalimi i agresionit kundër popullit tonë. Ne duam të ndalojmë këtë gjenocid në Gaza”, tha Hamad, duke shtuar se Hamasi aktualisht po punon për një zgjatje të mundshme të armëpushimit së bashku me partnerët ndërkombëtarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
