.png)
Është tentuar të grabitet Qendra Komunitare “Për Familjen” në Bashkinë e Shkodrës.
Ngjarja mësohet se ka ndodhur në orët e vona të së shtunës, ndërkohë që dëmi është evidentuar nga punonjësit e qendrës mëngjesin e të hënës kur kanë parë vjedhjen e rrethimit në pjesën e pasme, por edhe dëmtimin që i është bërë pjesës së murit ku grabitësit kanë bërë gati gjithçka për të hyrë në pjesën e prapme të qendrës komunitare.
Në një intervistë për mediat, kryetari i Rajonit Nr.5, Pal Pepa, ka sqaruar ngjarjen e ndodhur ndërkohë që i ka bërë thirrje Policisë së Shtetit të zbardhë këtë ngjarje.
“Kanë prishur rrethimin dhe derën hyrëse. Ka mbetur në tentativë, nuk kanë mundur të futen brenda. Është rast i përsëritur, ndoshta hera e tretë. I bëj thirrje policisë të veprojë në verifikimin e tyre”, mësohet të jetë shprehur kryetari i rajonit.
Kjo qendër është dëmtuar edhe gjatë vitit të kaluar.
Bashkia e Shkodrës fton qytetarët të bashkëpunojnë për mbrojtjen e pronës së përbashkët, pasi çdo dëm është një kosto që rëndon mbi taksapaguesit shkodranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
