Nga Gazeta 'Si'- Gjykata Themelore në Prishtinë ka caktuar masën me paraburgim ndaj të akuzuarit të katërt, Tomë Dodaj, për vrasjen e Liridona Ademaj-Murseli.
Sipas njoftimit të gjykatës mbi të rëndojnë dyshimet për kryerjen e veprës penale importi, eksporti, furnizimi, transportimit, prodhimi, këmbimi, ndërmjetësimi ose shitja e paautorizuar e armëve.
Dyshohet se arma që ai ka shitur është përdorur për vrasjen e Liridona Ademaj.
LEXO EDHE:
- Arrestohet dhe personi i katërt për vrasjen e Liridona Murselit, u dha armën vrasësve
- 1 muaj paraburgim 3 të dyshuarve për vrasjen e Liridona Ademajt. I vëllai: Fëmijët ende nuk e dinë që nëna e tyre ka vdekur
- Babai u vrau nënën, shteti suedez merr në përkujdesje fëmijët e familjes Murseli
- ‘E kujtojnë me mall, burri dhe fëmijët’. Porositi vrasjen e i organizoi varrimin, Naim Murseli pranon planin: Pagova 15 mijë euro para krimit, 15 mijë do t’ia jepja pas
“Ekziston dyshimi i bazuar se i pandehuri T.D me datë 29.11.2023 rreth orës 14:00 në vendin e tij të punës, me qëllim të përfitimit të dobisë pasurore në kundërshtim me Ligjin në fuqi për armë apo materie plasëse, ia ka shitur armën të dyshuarve N.M dhe G.P, për të cilën dyshohet se është përdorur në kryerjen e veprës penale Vrasje e Rëndë e të dëmtuarës- tani të ndjerës L.M”, thuhet në deklaratën e gjykatës.
Më 29 nëntor Liridona Ademaj u vra ndërsa po kthehej nga një restorant. Për këtë rast janë arrestuar edhe tre persona tjerë, përfshirë bashkëshortin e saj që dyshohet të ketë qenë porositësi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.