.png)
Soda e bukës dhe bikarbonati i sodës janë të dyja NaHCO3. Është një kripë e bërë nga kation natriumi dhe anion bikarbonat dhe bën një pastrues të shkëlqyeshëm për shumë qëllime. Soda e bukës është e shkëlqyeshme në heqjen e aromave dhe njollave. Gjithashtu ka dhe disa material të tjera që mund ti pastroni me sodën e bukës.
Argjendin
Argjendi ndryshon ngjyrë me të vërtetë shpejt por soda e bukës, me një letër kuzhine mund ti zbardhë gjithë bizhuteritë.
Tigane e tenxhere
Të gjithëve na ndodh që të na digjen tiganët dhe tenxheret dhe të bëhet e pamundur që të lahen.
Kur ushqimi digjet është shumë e vështirë ta heqësh nga tigani, por soda e bukës do të ndihmojë.
Mund të hidhni sodë buke tek tiganët apo tenxheret dhe ti lini me ujë të ngrohtë.
Xhezvet e kafesë
Dihet se njollat e kafesë janë të vështira të hiqen. E njejta ndodh dhe me xhezvet e kafesë kur kalon një kohë.
Soda e bukës mund të heqë qafe këto njolla dhe gjithçka që ju duhet të bëni është të hidhni sodë në xhezve dhe ta lini me ujë të ngrohtë.
Kjo gjithashtu do të heqë qafe çdo erë dhe do të parandalojë shijet e çuditshme herën tjetër kur të bni kafe.
Perde dushi
Perdet e dushit janë jashtëzakonisht të buta dhe shpesh të mbuluara me mikrobe, ujë, madje edhe myk.
Hapi i parë për pastrimin e një perde dushi është heqja e unazave dhe larja e saj në lavatriçe në një larje të nxehtë dhe mund të shtoni uthull ose sode për të hequr qafe bakteret dhe mykun.
Sapo të bëhet kjo, mund të lini që perdja juaj e dushit të thahet natyrshëm.
Pastaj, nëse dalloni ndonjë myk ose shenja myku në perde, mund ta trajtoni atë me pak sodë buke.
Shpëlajeni atë me një leckë të lagur dhe lëreni të thahet edhe një herë para se të vendosni përsëri perden.
Furçë flokësh
A e dini se duhet të pastroni furçën tuaj të flokëve?
Kur e mendoni, furçat e flokëve janë plot vaj dhe papastërti dhe ju e vendosni përsëri në flokët tuaj kur përdorni një furçë të ndotur.
Çdo dy javë duhet ta pastroni furçën me sodë buke.
Mbushni një lavaman me pak ujë të ngrohtë dhe sodë buke dhe më pas lani furçën.
Gjithashtu, flitet se soda e bukës shkëlqen dhëmbët e verdhë, por çfarë thonë ekspertët?
Doktoresha Kamala Aydazada në Londër thotë se zbardhja e dhëmbëve me sodë buke erdhi si një mënyrë për të gjetur mënyra rrethanore duke e ditur se kushton shumë një zbardhje profesionale.
Është një fakt i njohur që ndikimi i medias në normat shoqërore në lidhje me pamjen e njerëzve, ka luajtur një rol të madh dhe për shkak të rrethanave tona aktuale, ka pasur një rritje të pashembullt të kohës në rrjetet sociale.
Një nga metodat që njerëzit përdorin për të provuar dhe zbardhur dhëmbët në shtëpi është duke përdorur sodë buke.
Njerëzit filluan të hidhnin video në rrjetet sociale duke zbardhur dhëmbët me sodë buke dhe të gjithë e provuan.
Por a është e rrezikshme dhe a ka ndonjë mënyrë tjetër për të arritur dhëmbë më të bardhë?
“Soda e bukës është një metodë efektive, minimale gërryese e zbardhjes së dhëmbëve, por kombinimi i saj me peroksid hidrogjeni të lëngshëm nuk rekomandohet për shkak të dëmtimit serioz që mund të shkaktojë në dhëmbë.” tha doktoresha.
Duke qenë acid në natyrë, peroksid hidrogjeni do të zbuste smaltin e dhëmbëve, duke e bërë më të lehtë heqjen e strukturës së shëndetshme të dhëmbëve duke e pastruar atë me sodë buke.
"Unë do të doja të paralajmëroja të gjithë kundër përdorimit të një përzierjeje të tillë pasi ajo mund të shkaktojë një dëm të pakthyeshëm në dhëmbët dhe mishrat e dhëmbëve". tha ajo.
Siç tha Dr. Ayadaza, soda e bukës është një metodë efektive, por ka mënyra shumë më të sigurta për të zbardhur dhëmbët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
