.png)
Fondi Monetar Ndërkombëtar ka udhëzuar rregullatorët të marrin masa nga rritja e yield-eve të titujve, si një rrezik që do të rrisë më tej kostot e huamarrjes në tregjet financiare.
“Kur shikon lëvizje të mëdha që po ecin shpejt, ka shumë potencial për të shkaktuar kaos, sepse anëtarët e tregjeve u duhet të bëjnë ripozicionim dhe ka elementë aty që nxiten”, tha Tobias Adrian, drejtor i departamentit monetar në FMN.
"Shpresojmë se qetësia do të mbizotërojë në një moment, por sigurisht që tani ekziston rreziku i rritur.”
Vërejtjet vijnë mes javëve të paqëndrueshmërisë në çmimin e obligacioneve të qeverisë amerikane.
Yield-et 30-vjeccare të borxhit amerikan kapën nivelin më të lartë të 16 viteve të fundit, mbi 5, pas të dhënave se tregu i punës po zhvillohej pozitivisht.
Adrian është i shqetësuar për ekspozimin e bankave, sidomos të atyre u prekën nga falimentimi i Silicon Valley më herët gjatë vitit.
Ndonëse efekti i yield-eve nuk ka prekur ende kreditimin, ‘shumë shpejt do e ndjejmë.’
“Bankat do të jenë të stresuara”, shtoi ai.
Në mars, bankat rajonale u përballën me një krizë që më vonë preku dhe institucionet e mëdha e kaloi dhe në Europë, ku u ‘ekzekutua’ Credit Suisse.
Bankat që u prekën, vuanin nga dështime specifike të menaxhimit, mbrojtjes ndaj interesave etj.
"Veprimi i fuqishëm i qeverive mund të bëjë vërtet një ndryshim," tha ai.
Në një raport, FMN-ja paralajmëroi për "qarqe të kundërta reagimesh" të shkaktuara nga një shtrëngim i menjëhershëm i kushteve financiare që mund të "testojnë përsëri qëndrueshmërinë e sistemit financiar global".
Aty u testua stresi i rreth 900 bankave në mbarë botën.
Shumica e huadhënësve mund të trajtojnë të ashtuquajturin skenar "bazë" të rritjes modeste globale dhe lehtësimit të inflacionit - megjithëse 55, duke përfshirë një grup bankash rajonale amerikane, do të ekspozoheshin ndaj humbjeve "të rëndësishme" të kapitalit.
Megjithatë, një recesion i dhimbshëm global dhe rigjallërim i inflacionit që i shtyn bankat qendrore të rrisin më tej normat e interesit, do të vinte në rrezik 215 institucione, të cilat së bashku përbëjnë 42 për qind të aktiveve bankare globale. Disa institucione të rëndësishme sistematike në Kinë, Evropë dhe SHBA do të preken, tha FMN.
Pavarësisht nga këto dobësi, Adrian u kërkoi bankave qendrore të "qëndrojnë në kursin për ta kthyer inflacionin në objektiv në një mënyrë të qëndrueshme".
Ai vuri në dukje se autoritetet monetare ishin të pajisura mirë për të trajtuar periudhat e paqëndrueshmërisë financiare me mjete të tjera. Në mars, Fed nxitoi të frenonte pasojat nga stresi bankar me një lehtësi kreditimi emergjent. Ajo ende arriti të rrisë normat me një tjetër çerek pikë javën e ardhshme
“Është me të vërtetë vetëm në situata shumë ekstreme, siç është kriza e vitit 2008, ku ka një ndërveprim të fortë midis politikës monetare dhe stabilitetit financiar,” tha Adrian. "Ne jemi shumë larg nga kjo."
Megjithatë, ai tha se mësimi nga marsi ishte se dështimet e disa institucioneve mund të kenë ndikim të rëndësishëm më gjerësisht dhe se është më mirë që rregullatorët "të kujdesen për këto gjëra në mënyrë parandaluese".
Ndër shqetësimet e tjera që FMN-ja shënoi të martën ishte ngritja e pozicioneve të levave, veçanërisht në tregjet e obligacioneve të qeverisë amerikane, ku investitorët blejnë thesare dhe shesin kontratën e së ardhmes shoqëruese, duke kërkuar të sigurojnë diferencën e çmimeve mes tyre.
“Pozicionimi aktual nga investitorët me levë mund të testohet nga një periudhë e papritur e paqëndrueshmërisë së tregut të obligacioneve, duke i detyruar ata të zbutin pozicionet dhe të shesin obligacione ashtu si çmimet për këto letra me vlerë bien”, thuhet në raport.
I pyetur në lidhje me çështjet e mundshme në tregun e pasurive të paluajtshme komerciale, Adrian e përshkroi atë si një problem "i ngadalshëm", që nuk ka gjasa të kafshojë për një ose dy vjet të tjerë deri në një valë rifinancimi.
“Pesimizmi tashmë ka një çmim, por do të jetë e dhimbshme ta shikosh të hyjë në veprim./FinancialTimes
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
