Nga Gazeta Si - Studentët e mjekësisë kanë fituar betejën e parë në Gjykatën Kushtetuese për pezullimin e ligjit që i detyron të qëndrojnë në vend nga 2 deri në 5 vite ose të paguajnë një tarifë vjetore prej 240 mijë lekësh.
Mbledhja e Gjyqtarëve të Gjykatës Kushtetuese ka vendosur sot pranimin e kërkesës për pezullimin e zbatimit të ligjit nr. 60/2023 “Për trajtimin e veçantë të studentëve që ndjekin programin e integruar të studimit të ciklit të dytë “Mjekësi e Përgjithshme” në institucionet publike të arsimit të lartë” deri në hyrjen në fuqi të vendimit të Gjykatës Kushtetuese.
Një grup deputetësh të Kuvendit të Republikës së Shqipërisë (jo më pak se një e pesta e deputetëve) dhe studentët e mjekësisë kanë dorëzuar më 19 tetor padinë ku nuk kërkonin shfuqizimin e plotë të ligjit por të disa dispozita që sipas tyre cënojnë të drejtën e studentëve.
Tashmë ligji është i “ngrirë” dhe studentët nuk janë të detyruar të firmosin kontratë paraprake.
Që prej muajit korrik, studentët e mjekësisë kanë protestuar për anulimin e këtij ligji, duke bojkotuar vitin akademik për 4 javë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.