.png)
Gazeta Si – Ditët e fundit, Europa është përfshirë nga një valë të nxehti e pazakontë. Në Itali, situata është kritike, me 15 qytete në listën “e kuqe”: Ankona, Bolonja, Bolzano, Brescia, Firence, Frosinone, Milano, Perugia, Pescara, Rieti, Roma, Torino, Venecia, Verona dhe Viterbo.
Në Francë, 40 persona janë mbytur që nga fillimi i fundjavës së kaluar, një fenomen që autoritetet ia atribuojnë valës së të nxehtit që ka përfshirë vendin për një javë.
Sipas kryeministrit francez Sébastien Lecornu, në një vend që sapo ka përjetuar natën e tij më të nxehtë që nga viti 1947, shumë njerëz kanë humbur jetën, duke kërkuar të freskohen në ujëra të ndaluara për not, siç janë liqenet, lumenjtë dhe kanalet e pakontrolluara.
Rreth 54 departamente janë aktualisht në gatishmëri maksimale (një rekord), duke prekur 38.8 milionë njerëz.
Ndërkohë, Spanja po përballet me ditën e tretë radhazi të alarmit, të cilat pritet të arrijnë kulmin në orët në vijim.
Temperaturat minimale tropikale (natën) pritet të bien rrallë nën 25 gradë Celsius dhe temperaturat maksimale gjatë ditës mbi 45 gradë Celsius.
Ndërkohë, me temperaturat që arrijnë 40 gradë Celsius, Gjermania mund të thyejë rekordin e saj të nxehtësisë së qershorit të premten.
Ajri përvëlues vjen nga Sahara. Në Marok, temperaturat variojnë midis 39 dhe 42 gradë Celsius midis Kazablankës dhe Rabatit, ndërsa zonat e brendshme arrijnë 44°C.
Zyra Meteorologjike pret që temperaturat maksimale të qershorit të tejkalohen: 35.6°C, të regjistruara në vitet 1957 dhe 1976.
Në Belgjikë, autoritetet kanë frikë për jetën e shpendëve në qytete: “Temperaturat në çati mund të arrijnë 50-60°C”, paralajmëron biologia, Romaine de Jaegere.
Rreziku i zjarreve në pyje po rritet më tej. Sipas agjencisë globale të shëndetit të Kombeve të Bashkuara (OBSH), vala e të nxehtit nuk është më vetëm një fenomen meteorologjik, por një “emergjencë shëndetësore”.
Sipas Organizatës Botërore të Shëndetësisë, mbi 200,000 njerëz kanë vdekur në Evropë nga shkaqe që lidhen me nxehtësinë në katër vitet e fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje