.png)
Enti Rregullator i Energjisë, (ERE), ka lajmëruar për shfuqizimin e vendimit të vlerave referuese për faturimin e konsumatorëve që do të bëhej nga Operatori i Sistemit të Shpërndarjes OSSH dhe Furnizuesi i Shërbimit Universal FSHU.
Vendimi për vlerat referuese jepte mundësinë që klientët e energjisë elektrike të faturohenin njësoj si i njëjti muaj i një viti më parë, p.sh janari 2021 do të kishte të njëjtën faturë të energjisë si janari i vitit 2020. Kjo metodologji u mendua për shkak të kufizimeve që erdhën nga pandemia në vendin tonë. Ky vendim u mor në janar të këtij viti dhe do të zgjaste deri në muajin qershor.
Për gjatë muajit mars, FSHU-ja dhe OSSH-ja njoftuan se kanë faturuar pjesërisht klientët me këtë metodologji, vetëm 200 mijë të tillë, për shkak të problemeve teknike. Në shkurt u faturuan 175 mijë klientë.
FSHU-ja ka raportuar gjithashtu se dhe ankesat e klientëve kanë qenë më të pakta me këtë vendim, kur në muajin shkurt u regjistrua vetëm një e tillë.
Sipas ERE-s, ulja e numrit të infektimeve nga Covid-19 dhe procesi i vaksinimit, do ta lehtësojnë punën në terren për operatorët e energjisë, prandaj dhe vendimi do të shfuqizohet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
