.png)
Enti Rregullator i Energjisë ka publikuar çmimin që kompanitë publike do të blejnë energjinë nga kompanitë prodhuese. 7.448 lekë për Kw energji të prodhuar, mbështetur në vendimin e marrë në fund të vitit 2020.
Ky vendim do të ndryshohet kur të bëhet publikimi i raportit vjetor nga Bursa Hungareze të Energjisë dhe publikimin e Bankës së Shqipërisë për kursin e kembimit Lek/Euro, elementë në formulën përllogaritëse të çmimit të energjisë.
Vitin e kaluar çmimi i energjisë ra me 0.6 lek për Kw. Kjo pasi qeveria vendosi ndryshimin e bonusit për promovimin e burimeve të rinovueshme nga 1.3 në 1.2, një koeficient që është pjesë e metodologjisë mbi bazën e së cilës përllogaritet çmimi vjetor me të cilin hidrocentralet deri në 15më shesin energjinë elektrike, përllogaritje që kryhet nga Enti.
ERE kontaktuar nga gazeta ‘’Si’’ tregon se ky vendim është i Këshillit të Ministrave dhe Enti vetëm e miraton. Sipas ERE-s kompanitë prodhuese që shesin energjinë tek kompanitë publike preken lehtë nga ky ndryshim i çmimit duke luhatur stabilitetin financiar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
