.png)
Nga Gazeta 'SI' - Shqipëria është një vend “i sigurt” dhe njerëzit që ikin prej andej për të kërkuar strehim në Mbretërinë e Bashkuar nuk duhet të marrin në mënyrë rutinore azil, sipas një raporti të publikuar të hënën nga një grup deputetësh anglez ndërpartiak.
Raporti nga komisioni i përzgjedhur për punët e brendshme gjeti pak prova që tregonin se një numër i konsiderueshëm shtetasish shqiptarë ishin në rrezik në vendin e tyre, por pranoi se disa shqiptarë që bënin kërkesa për azil, kryesisht gra, ishin trafikuar. Raporti rekomandon që ky grup të kthehet në Shqipëri vetëm nëse ekzistojnë masat e duhura mbrojtëse.
Komiteti vendosi të shqyrtojë ardhjet shqiptare në MB për shkak të rritjes së madhe të shifrave vitin e kaluar. Në vitin 2022, më shumë se një e katërta e 45,755 njerëzve që kaluan Kanal La Mansh me varka të vogla erdhën nga vendi dhe shumica kërkuan azil. Në harkun kohor të një viti numri i shqiptarëve që mbërrinin në Britaninë e Madhe me këtë rrugë ishte rritur nga 800 në 12.301. Arsyet për rritjen e madhe janë të paqarta dhe numrat kanë rënë ndjeshëm në muajt e fundit.
Kritikët e mbërritjeve me varka të vogla këmbëngulin se Shqipëria është një vend i sigurt. Komiteti ra dakord dhe raporti i tyre thekson se vendi nuk është në luftë dhe është një kandidat për t'u anëtarësuar në BE. “Nuk ka asnjë bazë të qartë që Mbretëria e Bashkuar të pranojë në mënyrë rutinore mijëra kërkesa për azil nga qytetarët shqiptarë”, thuhet në raport.
Deri në qershor 2022, 51% e kërkesave për azil nga Shqipëria u pranuan fillimisht. Nëntë vende, përfshirë Gjermaninë, nuk pranuan asnjë kërkesë për azil nga Shqipëria. Raporti i kërkon Ministrisë së Brendshme të shpjegojë pse normat e granteve të azilit, veçanërisht për gratë, kanë qenë kaq të larta.
Raporti i komitetit thekson se një shtytës kryesor i migrimit nga Shqipëria në Britaninë e Madhe është ekonomik dhe se përmirësimi i ndërgjegjësimit për programet e vizave të punës do të mbështeste migrimin e formalizuar, duke ofruar një alternativë ndaj bandave të kontrabandës me njerëz. Vetëm 325 viza pune u janë dhënë shtetasve shqiptarë në nëntë muajt e parë të 2022-shit.
Kryetarja e komisionit, deputetja laburiste Dame Diana Johnson, tha: “Një rritje e tillë e papritur e kërkesave për azil nga një vend në dukje paqësor, në mënyrë të kuptueshme ngriti shqetësime. Ndryshimet në migrim në mënyrë të pashmangshme do të rëndojnë çdo sistem, por qeveria duhet të bëjë shumë më tepër për t'u siguruar që mund t'i trajtojë më mirë këto strese. Më e rëndësishmja, ajo duhet të përmirësojë shpejtësinë e vendimmarrjes dhe të pastrojë prapambetjen.”
David Neale, një studiues ligjor me ekspertizë në migracionin shqiptar, i cili i dha prova komitetit, tha se raporti ishte "shumë zhgënjyes" dhe injoroi provat e tij se shumë shqiptarë po iknin për t'i shpëtuar një cikli hakmarrjeje që mund t'i vërë familjet kundër njëri-tjetrit ndër breza.
Kryetarja e komisionit, deputetja laburiste Dame Diana Johnson, tha: “Një rritje e tillë e papritur e kërkesave për azil nga një vend në dukje paqësor, në mënyrë të kuptueshme ngriti shqetësime. Ndryshimet në migrim në mënyrë të pashmangshme do të rëndojnë çdo sistem, por qeveria duhet të bëjë shumë më tepër për t'u siguruar që mund t'i trajtojë më mirë këto kërkesa”. Ndërkohë deputetë britanikë i vënë rëndësi të madhe faktit të lehtësimit të vizave nga ana e qeverisë britanike kryesisht për qëllime punësimi.
PESË ARSYE TË PËRGJITHSHME PËR EMIGRACIONIN E SHQIPTARËVE
• migrimi ekonomik për shkak të varfërisë krahasuese të Shqipërisë;
• perceptimi se sistemi i azilit në MB do t'i mundësojë kujtdo që arrin në MB të qëndrojë për periudha të gjata ose pafundësisht;
• perceptimi se është më e lehtë për të marrë punë në MB sesa në disa vende të tjera evropiane;
• refugjatët (veçanërisht gratë) që janë trafikuar ose janë bërë skllevër moderne; dhe
• krimi i organizuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
