.png)
Një 50-vjeçar ka mbetur i vrarë mëngjesin e kësaj të hëne në Fier.
Ngjarja ndodhi rreth orës 06:00, në lagjen “Sheq i Madh”.
Policia thotë se bëhet fjalë për shtetasin Ahmet Toska, 50 vjeç banues në lagjen “Sheq i Madh”.
50-vjeçari është vrarë me armë zjarri, pranë banesës së tij, ndërsa dëshmitare është bërë gruaja e tij, e cila ka parë të gjithë skenën.
Pas krimit, autori menjëherë është larguar, ndërsa ulërimat e gruas kanë alarmuar lagjen.
Viktima ka qenë duke përcjellë gruan e tij për në punë, ndërkohë që një person i paidentifikuar e ka qëlluar me armë zjarri nga afër, në kokë.
Në vendngjarje ka shkuar grupi hetimor dhe po punon për identifikimin e autorit dhe zbardhjen e plotë të ngjarjes.
Janë ngritur pika kontrolli në të gjitha hyrje daljet e qytetit dhe po vijon krehja e zonës nga shërbimet e Policisë Fier dhe FNSH Fier.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
