.png)
Kryetari i Partisë së Lirisë, Ilir Meta, la qartazi të kuptojë se Berisha dhe ai do të ndjekin të njëjtën skemë si në zgjedhjet e fundit lokale edhe në Kukës ku më 24 shtator do të votohet për kreun e ri të bashkisë.
I pyetur nëse PL ka një kandidat për zgjedhjet e 24 Shtatorit, ai u përgjigj se do të respektojë çdo zgjedhje që do të bëjë Berisha.
“Nuk kemi pse të flasim për këtë çështje, qëndrimi është parimor. Nuk kemi një kandidat i cili dëshiron të marrë pjesë në një garë të tillë dhe të kërkojmë mbështetjen e PD apo faktorëve të tjerë. Dihet që fuqia e PD është shumë e madhe dhe ne do të respektojmë çdo zgjedhje që ata do të bëjnë”.
Si vijon të jetë marrëdhënia e tij me Berishën?
“Marrëdhënia jonë është shumë korrekte. Marrëdhëniet e mia me Berishën kanë qenë shumë të mira dhe do të vazhdojnë të mbeten të tilla, sepse janë raporte parimore që kanë në fokus interesin e vendit dhe të demokracisë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
