.png)
Tre persona humbën jetën dhe një tjetër mbeti i plagosur rënë në tre aksidente të regjistruara gjatë pasdites së stome në Tiranë, Sarandë dhe Shkodër. Aksidenti i parë u shënua në fshatin Prezë ku një 60-vjeçar humbi jetën. Ngjarja ka ndodhur rreth orës 16:56, ku automjeti me drejtues shtetasin A. L ka aksidentuar këmbësorin ende të paidentifikuar. Si pasojë e dëmtimeve të marra këmbësori ka ndërruar jetë. Drejtuesi i automjetit shtetasi A. L është shoqëruar në komisariat për veprime të mëtejshme hetimore.
Edhe në Sarandë një tjetër i moshuar humbi jetën në rrethana të ngjashme. Aksidenti u regjistrua në fshatin Vrion, ku automjeti tip "Benz" ka goditi aksidentalisht këmbësorin 75 vjeçar K.K., i cili si pasojë ka ndërruar jetë. Policia ka shoqëruar menjëherë drejtuesin e mjetit shtetasin I.Ç., 43 vjeç, banues në Sarandë, me të cilin po kryen veprimet e mëtejshme për arrestimin e tij.
Në Shkodër rreth orës 17:05 në hyrje të fshatit Oblikë u aksidentuar dy motoçikleta. Njëri nga drejtuesit e motoçikletës me iniciale B. E., ka gjetur vdekjen e menjëhershme, ndërsa drejtuesi tjetër është shtetasi G. H. 57 vjeç, banues në lagjen “10 Korriku” Shkodër, i cili po dërgohet në urgjencën e Spitalit Rajonal Shkodër, në gjendje të rëndë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
