.png)
Në vitin e largët 1910, një grup tifozësh të Barcelonës vendosën të themelojnë pa shumë pretendime një skuadër të tyre futbolli.
Skuadra u quajt Huesca, ashtu si qyteza ku jetonin e punonin tifozët-themelues të saj. Në vitet e para nuk kishte pretendime për të fituar ndonjë kampionat, apo për t’u rritur si klub. Pasioni për sportin më popullor në botë ishte i vetmi trofe që kërkonin tifozët e skuadrës së tifozëve të Barcelonës.
Por, që prej asaj kohe gjërat kanë ndryshuar dhe me ndryshimet e rregullave të futbolli, ndryshoi edhe Huesca. Skuadra nisi të ngjisë disa kategori, e të zbresë sërish në kategoritë e mëposhte. Ambicia u rrit dhe klubi i qytezës së vogël kërkonte surprizën: ngjitjen në kampionatin elitar spanjoll, La Liga.
Ëndrra disavjeçare u bë realitet këtë sezon. Huesca mposhti 2-0 skuadrën e Lugos dhe do të luajnë në sezonin e ardhshëm përballë Barcelonës. Sesa e lidhur është kjo skuadër e vogël me Katalanasit “e mëdhenj” e tregon fakti se edhe fanelat e Huescas kanë ngjyrat e Barcelonës dhe drejtohen nga ish-ndihmësi i Barcelonës, Rubi.
Qyteza ndodhet 230 kilometra në veri-lindje të Barcelonës dhe ka një stadium që nuk merr më shumë se 5500 tifozë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
