Një 62-vjeçar në Durrës është vënë në pranga, pasi banesën që kishte marrë me qira, e kishte përshtatur për kultivimin e bimëve narkotike, nëpërmjet ngrohjes me llamba.
Policia thotë se në kuadër të operacionit të koduar "Papafingo", arrestoi shtetasit P.Ç.
Arrestimi i tij, u bë pasi gjatë kontrollit në banesën e marë me qira (papafingo), në lagjen nr. 13, Durrës, u konstatua se e kishte përshtatur banesën, me aparatura që shërbejnë për kultivimin e bimëve narkotike dhe kishte ndërhyrë në matësin e energjisë elektrike.
Gjithashtu, janë proceduar penalisht për shpërdorim detyre, dy punonjës të OSHEE-së, (E.E., 34 vjeç banues në Xhafzotaj dhe S.D., 38 vjeç banues në Durrës), pasi sipas policisë, nuk konstatuan vjedhjen e energjisë elektrike.
Në cilësinë e provës materiale u sekuestruan bimë narkotike canabis sativa dhe pajisje që shërbenin për kultivimin e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.