.png)
Dy shtetas të cilët ishin shpallur në kërkim janë arrestuar nga policia.
Policia e Durrësit në bashkëpunim me Interpol Tirana thotë se ka arrestuar shtetasin D. T, 38 vjeç, banues në Durrës, me qëllim ekstradimi drejt Italisë.
Siç njofton policia, 38-vjeçari ishte shpallur në kërkim ndërkombëtar nga Zyra e Interpol Tirana, pasi Gjykata e Pordenones/Itali e ka dënuar me 3 vite, 5 muaj e 5 ditë burg, për veprën penale “Dhuna në familje” parashikuar nga Kodi Penal italian.
Gjithashtu, është ndaluar një tjetër shtetas, i cili ishte i shpallur në kërkim kombëtar. Bëhet fjalë për E. A., 30 vjeç, banues në Durrës, për veprën penale” Prodhimi dhe shitja e narkotikëve”.
Materialet i kaluan Prokurorisë së Rrethit Gjyqësor Durrës, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
