Duket se po shkon drejt zbardhjes atentati me eksploziv që tronditi kryeqytetin dhe që la të plagosur 50-vjeçarin Preng Gjinin.
Pas hetimeve intensive për ngjarjen dhe mbledhjen e provave dhe pamjeve të kamerave të sigurisë, Prokuroria ka një të dyshuar.
Mësohet se i dyshuari shfaqet në kamera duke u larguar me vrap në momentin e shpërthimit.
I dyshuari rezulton i veshur me bluzë të zezë, xhinse të errëta dhe kapele dhe dyshohet të jetë i afërt me familjen Reçi në Rrëshen.
Ndërkohë pikërisht për këtë ngjarje sot u mbajt një takim Polici-Prokurori mes drejtuesve të dy institucioneve.
Dyshohet se atentati ndaj Gjinit lidhet me sagën e hakmarrjeve të familjeve Gjini dhe Reçi në Rrëshen që ka si pikënisje prishjen e pazareve të drogës.
Ndërkohë, vetë Gjini në deklaratën e bërë nga spitali i Traumës e mohoi pistën e hakmarrjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.