.png)
Në një të ardhme të afërt të gjithë ata që do të kapen me një sasi lende narkotike të caktuar, që e kanë për qëllim përdorimi vetjak dhe jo shitje apo shpërndarje nuk do të dënohen sipas ndryshimeve të fundit që po i bëhen Kodit Penal në Ministrinë e Drejtësisë.
Në draftin paraprak ende jo përfundimtar bëhet një klasifikim i drograve të lehta në ato më të rënda dhe për herë të parë shtohet një nen që lidhet me dekriminalizimin e substancave psikotrope gjithnjë nëse vërtetohet se është për përdorim vetjak.
Në draftin e Kodit Penal është specifikuar edhe sasia e lejuar. Më konkretisht; mbajtja e lendes narkotike kur nuk blihet ose posedohet me qëllim shitjen apo shpërndarjen, por vetëm për qëllimin e përdorimit vetjak nuk është e dënueshme nëse sasia e lendes se kapur e hashashit nuk i kalon 10 gr.
Gjithashtu nuk ka rëndësi vendi ku është kapur autori në posedimin e hashashit, me kushtin që të jetë mbajtur larg demonstrimit në publik.
E njëjta përmbajtje vlen edhe për heroinën por me një dallim në sasinë e kapur. Nuk do të jetë e dënueshme për të gjithë ata persona që kapen me 4 gr heroinë gjithnjë nëse vërteton se e ka për përdorim vetjak.
Kush kapet me 3 gr kokainë nuk dënohet, njësoj si për rastet e mësipërme. E njëjta sasi (3 gr) vlen edhe për lëndët e tjera narkotike industriale, apo sintetike.
Në draftin paraprak nuk është përfshire një ide e hedhur do kohë më parë nga kryeministri Edi Rama për mundësinë e legalizimit të hashashit për qëllime mjekësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
