Peshëngritësja Romela Begaj pasi u pezullua sepse kishte përdorur substancën e ndaluar stanozolol, është dënuar me 8 vite pezullim nga të gjithë aktivitetet ndërkombëtare. Peshëngritësja shqiptare nuk ka mundur të mbrohet dhe Federata Ndërkombëtare e Peshëngritjes i ka dhënë dënimin maksimal.
Lajmi për pezullimin e Begajt është bërë publik gjatë ditës së enjte nga Federata Botërore e Peshëngritjes. Dënimi për Romelën është dhënë pasi juristët e FBP-së kanë shqyrtuar dokumentacionin. Avokatët e sportistes shqiptare kishin paraqitur një dosje të detajuar me prova, por që nuk janë marrë parasysh nga gjyqtarët e Apelit të FBP-së, të cilët e lanë në fuqi pezullimin 8-vjecar. Arsyeja e këtij dënimi maksimal dhe të ashpër për Romela Begajn vjen edhe për shkak se kemi të bëjmë me një rast të përsëritur.
Romela Begaj u shpall kampione në kampionatin botëror të zhvilluar në Amerikë në vitin 2017, por që nuk e mori asnjëherë medaljen për shkak te dopingut. Tashmë për peshëngritësen shqiptare i vetmi shans për t’u provuar është CAS, ku mund të provojë apelimin.
Hera e parë që Begaj del pozitive me doping ishte në dhjetor të vitit 2014, ku Begaj ka rezultoi pozitive në testin anti-doping pas botërorit në Kazakistan. Atëherë pezullimi që iu dha ishte vetëm për 2 vite në të gjitha kompeticionet ndërkombëtare. Ky dënim i Romela Begajt është një tjetër goditje e rëndë për sportin e peshëngritjes në vendin tonë edhe pse në vitin e fundit masat anti-doping janë ashpërsuar akoma dhe më shumë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.