Delegacioni amerikan shkon në Tajvan pas zgjedhjeve, anije dhe avionë kinezë rreth ishullit

Gazeta Si - Presidentja e Tajvanit, Tsai Ing-wen, nënvizoi partneritetin "e ngushtë dhe besnik" të ishullit me SHBA-në, duke mirëpritur delegacionin jozyrtar amerikan në një vizitë pas-zgjedhore.

Delegacioni mbërriti në ishull me iniciativën e administratës së presidentit Joe Biden, për të takuar politikanë të nivelit të lartë, duke përfshirë zëvendësin e Tsait, Uilliam Lai, i cili fitoi zgjedhjet e së shtunës.

"Vizita juaj është shumë domethënëse dhe tregon plotësisht mbështetjen e Shteteve të Bashkuara për demokracinë e Tajvanit dhe thekson partneritetin e ngushtë dhe besnik midis Tajvanit dhe Shteteve të Bashkuara", - tha Tsai.

Ndërsa Lai përsëriti: "Mirënjohës për mbështetjen e fortë të SHBA për demokracinë në Tajvan".

Zyrtarët amerikanë jo më në aktivitet, vlerësuan procesin demokratik të ishullit që prodhoi një president të ri të zgjedhur dhe parlament gjatë fundjavës, pavarësisht pretendimit të Kinës për sovranitet mbi Tajvanin dhe kërcënimin për ta aneksuar atë me forcë ushtarake.

Ish-këshilltari i Sigurisë Kombëtare, Stephen Hadley deklaroi se "demokracia e Tajvanit është një shembull i ndritshëm për botën" dhe se angazhimi i Amerikës ndaj Tajvanit është "i fortë, parimor, dypartiak dhe për të mirën e miqve të Amerikës".

Tajvani zgjodhi nënpresidentin aktual Lai Ching-te si kreun e ri të qeverisë të shtunën, një veprim që ka të ngjarë të shtyjë Kinën të mbajë kërcënimet e saj ushtarake, diplomatike dhe ekonomike kundër ishullit.

Pekini, në fakt, e konsideron Tajvanin një pjesë "të patjetërsueshme" të territorit të tij që do të ribashkohet edhe me forcë, nëse është e nevojshme.

Tajvani të dielën i kërkoi Kinës të "përballet me realitetin dhe të respektojë rezultatet e zgjedhjeve", ndërsa Pekini paralajmëroi se çdo lëvizje në favor të pavarësisë do të "dënohet ashpër".

Lai, ashtu si liderja në largim Tsai, e konsideron ishullin “de fakto” të pavarur dhe ka premtuar ta mbrojë atë nga "kërcënimet dhe frikësimet" nga Pekini.

Presidenti i zgjedhur i Tajvanit më pas falënderoi Uashingtonin për mbështetjen e tij për demokracinë e ishullit, duke takuar delegacionin jozyrtar të SHBA që viziton Taipein.

Ndërkohë, Ministria e Mbrojtjes e Tajvanit raportoi se kishte zbuluar 6 avionë kinezë dhe 4 anije ushtarake rreth ishullit në 24 orët e fundit deri në orën 6 me orën lokale (23:00 të dielën në Europë), përveç se pranisë se një balone tjetër me ajër të nxehtë.

Ndërsa, midis avionëve të identifikuar, vetëm një ka kaluar vijën mesatare të ngushticës së Tajvanit.

Forcat e armatosura të Taipeit, lexohet në një shënim nga ministria, "kanë monitoruar situatën dhe kanë dhënë udhëzime për përgjigjet më të përshtatshme".

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.