Zlatan Ibrahimoviç ka rezultuar pozitiv në testin e radhës anti-Covid. Lajmi është konfirmuar nga vetë klubi i Milanit përmes një deklarate zyrtare, por edhe nga sulmuesi shtatlartë suedez.
Ibra shkroi përmes rrjeteve sociale se nuk kishte asnjë simptomë dhe asnjë shqetësim shëndetësor, ndërsa me karizmën që e karakterizon brenda dhe jashtë fushe i hedh “dorezën” e sfidës virusit që ka ngërthyer të gjithë botën.
“Dje rezultova negativ dhe sot jam pozitiv. Asnjë simptomë, a diçka të ngjashme. Covid mori guximin që të më sfidojë mua! Ide e keqe për të”, shkroi në Tëitter sulmuesi kuqezi.
Megjithatë, 38-vjeçari duhet të vetëizolohet për 14 ditë, duke munguar në ndeshjen e Europa League që Milani ka me norvegjezët e Bodo/Glimt këtë të enjte.
Ibrahimoviç është i vetmi që ka rezultuar pozitiv, të gjithë lojtarët e tjerë dhe anëtarët e stafit kanë rezultuar negativë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.