Cila është lidhja mes humbjes së dhëmbëve dhe funksionit të trurit

Studiuesit e Universitetit të Nju Jorkut, Kolegji i Infermierisë Rory Meyers zbuluan lidhjen midis humbjes së dhëmbëve dhe funksioneve kryesore të trurit.
Termi rënie njohëse tregon një deficit të kujtesës dhe të mësuarit i cili nuk është veçanërisht shqetësues në vetvete, por që duhet pasur kujdes dhe të trajtohet herët. Në fakt, në planin afatgjatë, rreziku i shfaqjes së sëmundjes Alzheimer është i konsiderueshëm.
Ky çrregullim, një fazë e ndërmjetme midis dëmtimit njohës që rezulton nga plakja normale dhe demencias, mund të shkaktojë dëmtim të kujtesës, gjuhës, arsyetimit dhe gjykimit. Humbja e dhëmbëve është një nga faktorët që tregon këtë gjë, sipas shkencëtarëve të Kolegjit të Infermierisë Rory Meyers të Universitetit të New York-ut. Studimi u botua në revistën mjekësore"JAMDA".

Sondazhet e kryera në Qendrat për Kontrollin dhe Parandalimin e Sëmundjeve zbuluan se rreth një në gjashtë të rritur të moshës 65 vjeç ose më shumë humbën të gjithë dhëmbët.
Së pari, dhëmbët që mungojnë e bëjnë të vështirë përtypjen, duke rezultuar në mungesa të mundshme të ushqyerit ose ndryshime të trurit.
Ekipi zhvilloi një meta-analizë duke përdorur edhe studime të tjera mbi humbjen e dhëmbëve dhe rënien e aftësisë njohëse. U përfshinë 34,074 pjesëmarrës, nga të cilët 4,689 ishin me funksion kognitiv të dëmtuar. U zbulua se subjektet me humbje më të madhe të dhëmbëve kishin një rrezik 1.48 herë më të madh të zhvillimit të çrregullimit dhe një rrezik 1.28 herë më të madh për t'u diagnostikuar me demencia. Sidoqoftë, gjasat (23.8%) ishin më të larta tek individët pa protezë sesa tek ata me proteza (16.9%). Studiuesit më pas kryen një hetim të mëtejshëm duke përdorur një nëngrup prej tetë studimesh për të kuptuar nëse më shumë dhëmbë që mungonin ishin të lidhur me një rrezik më të lartë të vuajtjes nga rënia e aftësisë njohëse. Rezultatet konfirmuan këtë marrëdhënie. Secili dhëmb i humbur shoqërohej me një rritje prej 1.4% të probabilitetit të zhvillimit të ulët mendor dhe një rritje prej 1.1% të rrezikut të demencës. Në funksion të kësaj, shkencëtarët theksojnë rëndësinë e ruajtjes së shëndetit të mirë oral dhe rolin që ai luan në ruajtjen e funksioneve njohëse.
Burimi:Il Giornale/Përshtati:Gazeta "Si"

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.