.png)
Medalja e artë e fituar në Tokio nga Marcell Jacobs në garën e 100 metrave vazhdon të diskutohet. Pas akuzave të shtypit britanik për përdorim dopingu, vjen edhe një deklaratë polemizuese nga kampioni Usain Bolt, një legjendë e gjallë e atletikës ndërkombëtare.
Xhamajkjani e ka kritikuar atletin italian për këpucët e tij, që i konsideron një inovacion "të çuditshëm dhe të padrejtë, në kufijtë e qesharakes”. Sipas Bolt, këto lloj këpucësh ndihmojnë sportistin që i vesh. Po çfarë kanë të veçantë këpucët e Marcell Jacobs?
Kanë një formë që e bën më efikase shtytjen dhe koordinimin e lëvizjes. Këpucët e përdorura nga Jacobs peshojnë 173 gramë dhe kanë taka 20-milimetërshe. Piastra e karbonit që këpucët kanë në brendësi krijon një trup të vetëm dhe është pak më e gjatë se shputa e këmbës. Një veçanti që shton sipërfaqen e kontaktit të këmbës me pistën dhe garanton më shumë stabilitet, duke favorizuar shpejtësinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
