.png)
Nga Gazeta 'Si' - Kryeministri Albin Kurti e ka quajtur hakmarrje të Serbisë ndaj votimit në favor të anëtarësimit të Kosovës në Këshillin e Europës ndalimin e mbi 300 qytetarëve nga Kosova në kufi të mërkurën.
Autoritetet serbe kanë ndaluar sot disa autobusë me udhëtarë nga Kosova, në kufijtë me Kroacinë dhe Hungarinë.
LEXO EDHE:
- Bllokimi i autobusëve në kufi, Kosova: Situatë e tensionuar sigurie! Evitoni me çdo kusht kalimin nëpër Serbi
- Bllokimi i autobusëve në kufi, Von Cramon thirrje Serbisë: Ndaloni së turpëruari veten!
Kurti tha se qytetarët e ndaluar janë të privuar nga mjekimi dhe ushqimi.
“Një ditë pasi Asambleja Parlamentare e KiE votoi në favor të anëtarësimit të Kosovës në Këshillin e Europës, Serbia hakmerret kundër civilëve kosovarë. Që nga mëngjesi i sotëm, mbi 300 qytetarë tanë — përfshirë fëmijë — janë mbajtur arbitrarisht në kufi, janë privuar nga ushqimi dhe mjekimi. Një shkelje e rëndë e të drejtave të njeriut!”, tha Kurti.
Më herët gjatë ditës, Kosova u kërkoi qytetarëve që të mos kalojnë përmes Serbisë “pas situatës së krijuar në pikat kufitare në Serbi dhe ndaljes arbitrare të qytetarëve të Kosovës në vendkalime kufitare”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
