Mandati i Edison Memollës si kryebashkiak i Rrogozhinës nuk është ende përfundimtar. KAS ka filluar të hënën në mesditë rinumërimin e kutive të 55 qendrave të votimit të Bashkisë së Rrogozhinës.
Karta më e fortë e demokratëve ishin votat e burgut, që përmbysën rezultatin në moment të fundit, në favor të socialistëve.
“Hapja e kutisë se burgut të Rrogozhinës përmbysi rezultatin pasi diferenca ishte 57 vota plus për kandidatin e “Bashkë Fitojmë” Shkëlqim Hoxha, por pas kutisë se burgut fitoren e mori Edision Memolla i PS me 30 vota diferencë”, tha Ivi Kaso nga “Bashkë Fitojmë”.
“Ajo QV ka 10 vite që ekziston. Para dhe gjatë votimit nuk kishte asnjë ankesë nga pala ankimuese, pretendimet erdhën pasi u shpall rezultati fitues. Kërkojmë rrëzimin e kërkesës”, reagoi më herët Eridian Salianji nga PS.
Por dy anëtarët e zgjedhur nga opozita, Ledio Braho dhe Elvis Cefa vendosën që të hapen kutitë e votimit në gjithë bashkinë, referuar Kodit Zgjedhor ku një anëtar i KAS ka të drejtë të marrë një vendim të tillë nëse ka dyshime që vullneti i zgjedhësve është tjetërsuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.