.png)
Bindjet që mbajmë për veten dhe botën përreth nuk janë thjesht ide abstrakte- ato ndikojnë drejtpërdrejt në mënyrën si jetojmë, si sillemi dhe madje edhe sa gjatë jetojmë.
Nga përballja me ankthin e përditshëm deri te mënyra si e shohim plakjen, këto besime mund të na kufizojnë ose të na fuqizojnë. Sipas autorit të librit “Përtej Besimit: Mënyra e mbështetur nga shkenca për të ndaluar kufizimin e vetes dhe për të arritur rezultate të përparuara”, Nir Eyal, ndryshimi i mënyrës si i interpretojmë mendimet dhe ndjenjat tona mund të ketë një ndikim të thellë në cilësinë e jetës, duke hapur rrugën për rezultate më të mira dhe një mirëqenie më të qëndrueshme.
CNN: Cili është ndryshimi mes fakteve, besimeve dhe bindjeve?
Nir Eyal: Faktet janë të vërteta objektive. Besimi nuk kërkon prova. Bindjet janë në mes- ato mund të ndryshojnë kur përballemi me prova të reja.
Si ndikojnë bindjet në jetëgjatësinë tonë?
Sipas studimeve nga Yale University, njerëzit me qëndrim pozitiv ndaj plakjes jetojnë mesatarisht rreth 7.5 vite më shumë. Kjo ndodh sepse bindjet ndikojnë në sjellje, dhe sjellja ndikon në shëndet.
A është besimi “magji” që ndryshon trupin?
Jo drejtpërdrejt. Por besimi ndikon në mënyrën si veprojmë (p.sh. kujdesi për veten, aktiviteti fizik), dhe këto sjellje ndikojnë në trup.
Çfarë roli luan lutja sipas studimeve?
Edhe pse nuk është një libër fetar, theksohet se lutja ka efekte pozitive psikologjike, njerëzit që luten shpesh janë më të qetë, më të lumtur dhe më të angazhuar në komunitet.
Pse kritikohet “të menduarit magjik” dhe manifestimi?
Sepse fokusohet vetëm te rezultati dhe jo te vështirësitë. Pa u përgatitur për pengesat, njerëzit humbasin motivimin dhe performojnë më dobët.
Çfarë është “kontrasti mendor”?
Është ideja për të kombinuar qëllimet me pengesat reale. Kjo ndihmon trurin të përgatitet dhe të gjejë zgjidhje, në vend që të dorëzohet.
Pse është e vështirë të ndryshojmë bindjet?
Sepse ato na japin siguri. Ne priremi t’i mbajmë edhe kur nuk funksionojnë më, duke injoruar informacione që i kundërshtojnë.
Çfarë përfundimi nxirret nga kjo?
Bindjet nuk janë të përhershme. Duke i rishikuar dhe përshtatur ato, mund të përmirësojmë sjelljen, shëndetin dhe madje edhe jetën tonë në afatgjatë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje