Kur Sali Berisha zhvilloi konferencën për shtyp, deputetët e PS-së ende nuk kishin zyrtarizuar kërkesën për përjashtimin e tij nga seanca që pritet të zhvillohet të enjten ku pritet të kalojë nen për nen projekt-buxheti i vitit 2024.
Berisha u pyet nga media se cila do të jetë lëvizja e opozitës të enjten.
”Nuk jemi ne në mënyrë absolute që kemi penguar diskutimin e buxhetit me qytetarët, me grupet e interesit. Përkundrazi, në respekt të qytetarëve dhe grupeve të interesit ne kemi organizuar me specialistët më të mirë të vendit 3 debate televizive ku ekspertët tanë kanë shprehur të gjitha sugjerimet, mendimet për buxhetin.
Por për herë të parë që narko-deputetët e Edi Ramës dolën nga selia ata u sulën me një tavë bakllavaje përpara në një klub.
Dhe e justifikuan këtë se buxheti simbolizon bollëkun njëlloj si bakllavaja u shijonte atyre...
Ne do bëjmë atë që kemi bërë. Ne do bëjmë detyrën tonë. Mosbindja civile është kryefjala e betejës pa kthim të opozitës në parlament. Këtë kemi ne. Vazhdojmë betejën pa kthim”, tha Berisha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.