.png)
Sali Berisha ishte i ashpër më shumë ndaj të “vetëve” në PD sesa ndaj Edi Ramës në konferencën e përjavshme për shtyp. Pas regjistrimit të PD-së në zgjedhje me Enkelejd Alibeajt kryetar të komanduar, Berisha ka filluar të bëjë llogaritë për zgjedhjet e 14 majit, ku beteja më e ashpër sa duket do të jetë brenda llojit
“Të shpallësh kryetar atë që nuk është kryetar, do të thotë të pranosh të emëruarin e Edi Ramës.
Është shkelur çdo ligj dhe standard i këtij vendi apo i këtij narko-shteti.
Të pretendosh që Alibeaj, që nuk është votuar kurrë, nuk është emëruar kurrë, nuk është votuar në asnjë forum të partisë, që nuk guxon të votohet se nuk merr asnjë votë, që është shndërruar në peng të Ramës, është kryetar i PD, këtë e bën vetëm Edi Rama.
Kjo do të thotë të kthehesh te opozita e emëruar.
Nuk ka asnjë vendim gjykate, që Alibeaj është kryetar partie. Ka një vendim gjykate, që Sali Berisha është kryetar partie. Por këtu nuk kanë rëndësi ligjet.
Këtu ka rëndësi tmerri shpirtëror që ka Edi Rama dhe mendon se përmes Alibashës dhe Alibravës mund të shpëtojë nga 14 maji.
Ky është një pseudoshtet. Detyrohet të shkruajë kryetar nënkryetar i autorizuar. Nuk ka, ka rregulla të prera statusore.
Është një vegël e kapur në krim nga Edi Rama dhe ky është problemi i tij.
Nuk ka lidhje me PD-në. Alibasha dhe Alibrava nuk kanë lidhje me PD-në. Janë të dy pengje të Edi Ramës dhe Edi Rama i përdor ata në mënyrën më të pamëshirshme”, tha Berisha. Por si? Berisha tha se nga kontrolli i brendshëm i financimeve në parti, rezulton se Basha sipas tij ka bërë shkelje.
“Sot do paraqisnim raportin për financimet e PD-së. Por ai që do e paraqiste është në një konferencë. Raporti qartëson se 700 mijë euro, asnjë qindarkë nuk ka hyrë në arkën e PD-së dhe nuk ka dalë nga arka e PD-së.
Është një aktivitet i paligjshëm, financim rus apo tjetër, nuk mund të them, por nëse e thotë raporti i CIA-s, nuk mund të vihet në diskutim. Basha është peng në krim”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
