.png)
Gazeta Si – Të paktën pesë persona kanë vdekur dhe disa të tjerë janë plagosur në një zjarr që shpërtheu në një ndërtesë 10-katëshe në Anversë, raporton policia belge.
Një re e dendur tymi u ngrit nga kati i tetë i ndërtesës në lagjen “Linkeroever” të qytetit të dytë më të mdh pas Brukselit.
Pamjet dramatike video – të cituara nga BBC – tregojnë një burrë që zbret nga ballkoni i tij në dritaren e një fqinji për t’i shpëtuar tymit të zi.
Policia deklaron se më shumë se 200 njerëz jetojnë në ndërtesë dhe se trupat e disa viktimave janë gjetur tashmë.
JUST IN: Multiple people dead, several others seriously injured after an apartment building fire in Antwerp, Belgium. pic.twitter.com/xBSQ5kTbdO
— Scope Report (@ScopeReport_) July 1, 2026
Ekipet e reagimit ndaj emergjencave u mobilizuan menjëherë: disa ekipe shpëtimi dhe oficerë policie – përfshirë një njësi të specializuar në operacionet me dronë – u dërguan në vendngjarje. Një plan emergjence mjekësore u aktivizua për të parandaluar mbingarkesën e spitaleve aty pranë.
Në një mesazh të postuar në mediat sociale, kryeministri belg, Bart De Wever – njëherësh kryetar bashkie i Antwerpit – deklaroi: “Mendimet e mia janë me viktimat dhe banorët e evakuuar për shkak të zjarrit të tmerrshëm në Linkeroever. Mirënjohja ime më e thellë shkon për shërbimet e emergjencës, të cilat po bëjnë gjithçka që është e mundur për të shpëtuar shpejt dhe në mënyrë të sigurt shumë njerëz të përfshirë dhe për të vënë nën kontroll flakët”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje