.png)
Gazeta Si – Një autobus shkolle u godit nga një tren pasagjerësh në lëvizje në Buggenhout, Flanders Lindore, Belgjikë.
Shtatë nxënës të shkollës së mesme, shoferi dhe një mbikëqyrës ishin në bord. Impakti ishte shkatërrues dhe thuhet se ka shkaktuar disa viktima: vlerësimet fillestare sugjerojnë se ka 4 persona, dy të mitur dhe dy të rriturit që ishin me ta.
Besohet se pesë persona janë plagosur, të gjithë pasagjerë në autobus: njëri është në gjendje të mirë, ndërsa një tjetër në gjendje kritike.
Përplasja ndodhi rreth orës 8:15 të mëngjesit në një kalim hekurudhor pak jashtë qytetit Buggenhout, disa kilometra në veri të Brukselit.
Sipas hetimeve paraprake, semafori ishte i kuq dhe barriera ishte e ulur në kohën e aksidentit fatal. Sipas Infrabel, kompanisë që menaxhon rrjetin hekurudhor belg, makinisti i trenit u përpoq ta ndalte trenin duke aktivizuar frenat e emergjencës, por nuk mundi ta shmangte përplasjen.
Sipas gazetës belge HLN, minivani po shkonte në një shkollë të mesme për nxënës me nevoja të veçanta, një nga institucionet në Belgjikë të dedikuara për të rinjtë me aftësi të kufizuara fizike ose mendore, aftësi të kufizuara në zhvillim ose në të nxënë, ose probleme me sjelljen.
“Është një përplasje shumë serioze me pasoja shumë serioze”, tha Thomas Baeken i Infrabel, duke folur për gazetën belge HLN.
“Po përpiqemi të kuptojmë se si mund të ketë ndodhur kjo. Por tani për tani, mendimet tona janë para së gjithash me viktimat dhe familjet e tyre”.
Sipas një dëshmitari që ishte në tren, u dëgjua një shpërthim i fortë dhe një dritare e trenit u thye në një mijë copa: “Një person u hodh nga furgoni, ndoshta shoferi”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje