.png)
Bashkia e Durrësit ka hapur një seri tenderash me një vlerë totale për rreth 1,65 miliard lek në kuadër të procesit të riparimit dhe riforcimit të ndërtesave të dëmtuara nga tërmeti i 26 nëntorit 2019.
Gjysma e vlerës së këtij fondi do të shkojë për tenderin me objekt “riforcimi i njësive të banimit në ndërtesat (pallat), të cilat janë klasifikuar si objekte të pabanueshme, ose të dëmtuara rëndë, apo të dëmtuara lehtë që nuk duhen rindërtuar nga e para, por kanë nevojë për punime rikonstruksioni, ose riparime”.
Në dokumentacionin e publikuar nga Agjencia e Prokurimit Publik në faqen e saj zyrtare, në këtë tender nuk përcaktohet numri i pallateve, apo ndërtesave të tjera që do të ndërhyhet për forcim, por vetëm shuma totale dhe objekti i tij.
Tre tendera janë me vlerë nga 200 deri në 250 milionë lek, ndërsa dy të tjerët janë në vlerën e 89 dhe 59 milionë lekëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
