.png)
Lideri demokrat, Lulzim Basha u ka prezantuar investitorëve italianë planin e zhvillimit ekonomik të PD për Shqipërinë.
Nëpërmjet një postimi në rrjetet sociale, Basha thotë se është takuar me investitorë italianë në rajonin e Friuli-Venezia-Giulia.
“Sot u takova me drejtues të suksesshëm të industrisë, infrastrukturës dhe logjisitikës, në rajonin e Friuli-Venezia-Giulia.
I informova për planin tonë ekonomik, i cili nis me çlirimin e tregut nga krimi, nga oligarkia dhe korrupsioni si dhe nga burokracia”, shprehet kryedemokrati.
Basha zotohet se përmes politikave ekonomike, Shqipëria do të mund të kthehet një vend tërheqës për investimet e huaja.
“Përmes politikave ekonomike dhe lehtësirave për të bërë biznes, do ta kthejmë Shqipërinë në një vend tërheqës për investimet e huaja, konkurrues me çdo vend tjetër në rajon.
Zhvillimi ekonomik dhe punësimi, janë prioriteti kryesor i PD. Investimet e huaja janë jetike për rritjen e punësimit dhe zhvillimin e ekonomisë”, thotë ai.
Basha ndër të tjera thotë se “plani ynë ekonomik ka një fokus të rëndësishëm në këtë drejtim. Por së pari duhet garantuar konkurrenca e ndershme dhe luftuar korrupsioni që sot i mban investitorët larg vendit tonë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
