.png)
Një nën-linjë e variantit Omicron është përcaktuar zyrtarisht si një "variant nën hetim" nga Agjencia e Sigurisë Shëndetësore në Mbretërinë e Bashkuar.
Rreth 426 raste të "BA.2" janë zbuluar në Mbretërinë e Bashkuar deri më tani, thanë autoritetet shëndetësore.Më tej shtuan se do të kryhen analiza të mëtejshme për të përcaktuar karakteristikat e tij dhe për të kuptuar më mirë se si do t'i japë formë pandemisë.
“Është natyra e viruseve që të evoluojnë dhe të ndryshojnë, kështu që pritet që ne të vazhdojmë të shohim variante të reja që shfaqen.Vëzhgimi ynë i vazhdueshëm gjenomik na lejon t'i zbulojmë ato dhe të vlerësojmë nëse ato janë të rëndësishme”, tha Meera Chand, drejtoreshë e departamentit të epidemiologjisë në agjenci.
Ndërsa Omicron e zhvendosi me shpejtësi Delta-n në shumë vende të botës "BA.2" ende nuk ka ndjekur shembullin në dominimin e Omicron, i cili përbën shumicën dërrmuese të rasteve.
Globalisht, janë gjithsej 8,040 raste të BA.2 që nga 17 nëntori.Nën-linja e Omicron është përhapur me shpejtësi në vende si India dhe Filipinet dhe shenjat e hershme tregojnë se po rritet në Gjermani dhe Danimarkë, e cila ka paraqitur më së shumti raste deri më sot (6,411). Ai përbënte 20 për qind të të gjitha rasteve me Covid-19 në javën e fundit të 2021, duke u rritur në 4 për qind në javën e dytë të 2022.
Anders Fomsgaard, një studiues në "Statens Serum Institut"(SSI) të Danimarkës, tha se ai nuk kishte ende një shpjegim të mirë për rritjen e shpejtë të nën-linjës, duke pranuar se ishte duke e vlersuar por jo i shqetësuar.
,"Mund të jetë më rezistent ndaj imunitetit në popullatë, gjë që e lejon atë të infektojë më shumë. Ne nuk e dimë ende",është shprehur ai.
Vende të tjera që kanë shumë raste janë India (530), Suedia (181) dhe Singapori (127).
Nuk është e qartë se nga doli BA.2, megjithëse rastet e para u regjistruan në Filipine.
As nuk dihet nëse nën-linja shkakton sëmundje më të rëndë se varianti origjinal Omicron.
Tom Peacock, një virolog në Kolegjin "Imperial" Londër, tha se "ka të ngjarë të ketë dallime minimale në efektivitetin e vaksinës.
“Ne do të vazhdojmë të monitorojmë nga afër këtë situatë dhe të rekomandojmë masat e duhura të shëndetit publik nëse është e nevojshme",shtoi ai.
Burimi: The Independent/ Përshtati: Gazeta "Si"
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
