Policia e Vlorës vijon përpjekjet për zbardhjen e vrasjes misterioze të 25-vjeçarit, Xhulian Bullari në fshatin Babicë.
Bullari u gjet i vdekur në makinën e tij. Viktima ka marrë dy plumba në kokë. Policia ka shoqëruar 10 persona si të dyshuar se kanë dijeni për rrethanat e ngjarjes.
Nga ekspertiza forensike, grupi hetimor ka dalë në përcaktimin se i riu është qëlluar në distancë të afërt në pozicion të ulët, çka sugjeron se autori, ose autorët e krimit në momentin që kanë shkrepur armën dy herë në kokën e viktimës kanë qenë të ulur në sediljen e pasagjerit.
Për rrethana të tjera të ngjarjes policia nuk jep më shumë detaje, ndërkohë që hetimet vijojnë.
Xhulian Bullari u gjet i vrarë brenda makinës Fiat Punto në afërsi të “Qafës së Topit” në fshatin Babicë të Vlorës.
Familjarët e viktimës, me origjinë nga Elbasani, mësuan përmes televizorit ngjarjen e rëndë, ndërkohë që në 2018, 25-vjeçari rezulton i ndaluar për trafikimin e shtetasve sirianë në Shqipëri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.