OSBE-ja i drejtohet Komisionit të Venecias për interpretimin e paketës Antishpifje. Nisma më e fundit është bërë publike nga vetë Harlem Desir, përfaqësuesi i Zyrës së OSBE-së për Lirinë e Media.
LEXO EDHE:
Presidenti kthen “Antishpifjen”, Meta apel Kuvendit: Mos reflektimi ka pasoja
“Antishpifja”, OSBE shpreson që PS ta përmirësojë pas kthimit nga Meta
“Antishpifja”, PS tërhiqet: Do të vendosë Venecia
“Unë dërgova në Komisionin e Venecias rishikimet tona ligjore mbi projektligjet e Shqipërisë për Median Audiovizive dhe Komunikimet Elektronike, pasi Parlamenti shtyu votimin javën e kaluar. Kjo është një mundësi e rëndësishme për të bërë përmirësime të mëtejshme para një votimi të ri në Parlament.”, shkruan Desir në rrjetet sociale.
Tashmë OSBE-ja, nëpërmjet Zyrës së Lirisë së Medias u bashkohet iniciativës së Këshillit të Europës, që kishte paraqitur pranë Venecias për të interpretuar nëse paketa Antishpifje është në përputhje me ligjet dhe standardet e kërkuara për lirinë e medias.
Komisioni i Venecias pritet të mblidhet më 20 mars në një seancë plenare për të diskutuar ligjin për mediat Audiovizive. Mazhoranca e shtyu vendimin për votimin e dekretit të Presidentit lidhur me paketën Antishpifje deri në pritje të përgjigjes së Komisionit të Venecias. Socialistët rrëzuan më 30 janar dekretin e presidentit për ligjin e AKEP, ndërsa ngrinë dekretin për ligjin e AMA-s, ku parashikonte sanksione të ashpra ndaj mediave online. Marrja e kompetencave të një gjykate, e drejta e vendosjes së gjobës nga AMA, pa pritur një vendim të formës së prerë nga Gjykata janë para nga shoqatat e gazetarëve dhe organizmat ndërkombëtare si një kërcënim serioz për lirinë e medias. Kryeministri Edi Rama pati pretenduar se paketa Antishpifje ishte në përputhje me OSBE-në, por mesazhet e drejtpërdrejta të lëshuara edhe nga Komisioni Europian për të zbatuar sugjerimet e Këshillit të Europës sollën tërheqjen e mazhorancës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.