.png)
Një aksident ka ndodhur paraditen e kësaj të hëne në aksin rrugor Spital-Uznovë në qytetin e Beratit. Një motor me targa AU 576 ka qenë duke qarkulluar me shpejtësi dhe ka humbur kontrollin, duke u përplasur me një automjet që qarkullonte përpara tij.
Nga përplasja, drejtuesi i motorit është plagosur rëndë pasi ka fluturuar disa metra, ndërkohë që mjeti tip ‘Benz’ me targa AA 957 UR ka pësuar vetëm dëme materiale në pjesën e pasme të tij.
I plagosuri është dërguar drejt Spitalit Rajonal të Beratit, ku ndodhet nën kujdesin e mjekëve.
Në vendngjarje kanë shkuar forca të shumta policore që po kryejnë edhe hetimet për të zbardhur shkaqet e aksidentit.
Shkak për aksidentin është bërë motori, i cili për shkak të shpejtësisë ka rrëshqitur gjatë frenimit dhe ka goditur nga pas mjetin ‘Benz’ që qarkullonte në të njëjtin sens me të.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
