ADN-ja e trashëguar nga Neandertalët ndikon në infektimin me Covid-19

Për aq sa mund të thonë shkencëtarët, neandertalët vdiqën  rreth 40 mijë vjet më parë. Por ata nuk u zhdukën plotësisht nga Toka. Në dekadën e kaluar është bërë e qartë se neandertalët u çiftëzuan me paraardhësit e njerëzve modernë dhe se të paktën disa nga prodhuan pasardhës të qëndrueshëm. Rezultati është se pothuajse gjysma e gjenomit neandertal ende mbijeton, i shpërndarë në sasi të vogla midis pothuajse të gjithë ADN-së së njerëzve modernë. (Përjashtim bëjnë ata me paraardhës kryesisht afrikanë, sepse neandertalët duket se nuk kanë jetuar kurrë në Afrikë.)