A keni vërtet nevojë të bëni dush çdo ditë?

Nëse ndjeni nevojën për të bërë dush çdo ditë, sigurisht që nuk jeni vetëm

Megjithatë, dermatologët thonë se shumë njerëz nuk kanë nevojë dhe mund të mos duan të bëjnë dush shpesh.

"Nuk ka një qasje të vetme që i përshtatet të gjithëve kur bëhet fjalë për larjen e lëkurës dhe flokëve," tha Dr. Joyce Park, një dermatologe në Seattle.

Frekuenca ideale varet nga lloji i lëkurës dhe flokëve, sa djersitni dhe sa ndoteni, tha ajo.

Dhe, shtoi ajo, "dushi shumë i shpeshtë mund të thajë lëkurën tuaj, duke përkeqësuar skuqjen, kruajtjen, dhe duke shkaktuar shpërthime ekzeme"

Kur duhet të bëni dush çdo ditë

Disa njerëz përfitojnë nga shkumëzimi çdo ditë. Për shembull, nëse djersitni shumë – qoftë nga stërvitja, puna apo predispozicioni juaj natyror për djersitjen – “është e rëndësishme të bëni dush për të shpëlarë djersën dhe grumbullimin që mund të kontribuojë në bllokimin e poreve”, tha Dr. Marisa Garshick, një dermatolog me qendër në New York City.

Nëse keni flokë të yndyrshëm, mund të dëshironi t’i lani me shampo çdo ditë. Njerëzit me zbokth gjithashtu mund të lahen me shampo një herë në ditë, tha Dr. Azadeh Shirazi, një dermatologe me bazë në La Jolla, Kaliforni.

Larja e përditshme me shampo mund të shpëtojë nga kërpudhat që shkaktojnë zbokthin, tha ajo.

Kur duhet të jesh i matur me dushin

Shumë të tjerë mund të jenë më mirë kur bëjnë dush më rrallë - ose, të paktën, të jenë të kujdesshëm se si bëjnë dush.

Për shembull, nëse keni ekzemë ose lëkurë të thatë ose të ndjeshme, mund të bëni dush çdo dy ditë.

Sapuni dhe uji mund të përkeqësojnë lëkurën e thatë, tha Dr. Park, duke shkaktuar irritim dhe kruajtje.

Dushi shumë i shpeshtë mund ta thajë lëkurën deri sa të plasaritet dhe të lejojë hyrjen e mikroorganizmave, duke rritur rrezikun për një infeksion të lëkurës, shtoi Dr. Garshick.

Nëse flokët ose skalpi juaj është i thatë, mund ta kufizoni larjen me shampo një ose dy herë në javë, shtoi Dr. Garshick.

Disa njerëz me flokë kaçurrelë mund të lahen më rrallë me shampo, tha ajo.

Nëse keni ekzemë ose lëkurë të thatë ose të ndjeshme dhe ende dëshironi të bëni dush çdo ditë, bwni dush të shkurtër dhe jo shumë me ujë të nxehtë dhe merrni parasysh aplikimin e sapunit vetëm në pjesët që kanë më shumë nevojë: sqetullat, ijët, duart këmbët dhe pjesët e trupit që janë dukshëm të pista, tha Dr. Garshick.

Thënë kështu, duhet të jeni të kujdesshëm kur aplikoni sapun në lëkurën e ndjeshme rreth zonës gjenitale, tha Dr. Shirazi. Ndërsa është mirë të përdorni një pastrues të butë dhe pa aromë, është gjithashtu më mirë të shmangni përdorimin e sapunit në vaginë, anus ose në penis. "Thjesht përdorni ujë," tha ajo.

Ju gjithashtu mund të minimizoni thatësinë e përgjithshme të lëkurës, irritimin dhe kruajtjen duke zgjedhur pastrues të butë ose sapunë që përmbajnë përbërës hidratues si acidi hialuronik dhe ceramidet, tha Dr. Garshick.

Dhe "kur të dilni nga dushi, thajeni lëkurën, mos e fërkoni," tha Dr. Park. “Aplikoni krem hidratues nga koka tek këmbët në lëkurë të lagur” nytimes/ Pershtati ne shqip: Gazeta 'Si'

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.