.png)
Eposi i Universal nga Christopher Nolan, The Odyssey, pritet të arkëtojë rreth 15 milionë dollarë nga shfaqjet paraprake të së enjtes, sipas burimeve.
Nëse kjo shifër konfirmohet, filmi do të regjistrojë hapjen më të mirë të vitit deri tani për një film live-action, duke lënë pas Michael të Lionsgate, i cili grumbulloi 12.6 milionë dollarë nga shfaqjet paraprake dhe debutoi me 97.2 milionë dollarë në tregun amerikan.
Në Rotten Tomatoes, The Odyssey ka një vlerësim prej 96% nga publiku, rezultati më i lartë i arritur ndonjëherë nga një film i Christopher Nolan. Ai tejkalon vlerësimet e Batman Begins, The Dark Knight dhe Memento (94%), si edhe fituesin e shumë çmimeve Oscar, Oppenheimer (91%).
Shfaqjet paraprake të The Odyssey kanë kaluar gjithashtu ato të Oppenheimer, i cili mblodhi 10.5 milionë dollarë nga preview-t. Ky film më pas siguroi 33 milionë dollarë gjatë së premtes (së bashku me preview-t) dhe e mbylli fundjavën e parë me 82.4 milionë dollarë në SHBA.
Aktualisht, The Odyssey renditet si nata e tretë më e mirë e premierës në karrierën e Nolan në SHBA, pas The Dark Knight Rises (30.6 milionë dollarë) dhe The Dark Knight (18.5 milionë dollarë).
Pyetja kryesore për fundjavën mbetet nëse filmi do të tërheqë edhe publikun që nuk zgjedh formatet premium si IMAX. Deri tani, shumica e shikuesve duket se preferojnë ta përjetojnë filmin në ekranet më cilësore dhe në sallat me format të madh.
Sipas burimeve, shitjet paraprake të biletave për fundjavën llogariteshin mes 30 dhe 40 milionë dollarëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje