.png)
Nga Gazeta ‘Si’- Seanca e sotme parlamentare ka nisur pa prezencën e deputetëve të PD.
Në foltore, deputeti i Partisë Mundësia, Erald Kapri komentoi praninë e shtuar të forcave të policisë dhe mjeteve të blinduara pranë Parlamentit, duke e lidhur këtë me protestat e fundit.
“Rikthehem në këtë sallë pas 20 ditësh përjashtim, që nuk e di përse ndodhi. Si mund të ndaloni një deputet të flasë për çështjet që ai kërkon. Nëse ju i thoni parlament këtij, nuk e di çfarë mund të them më tepër.
Teksa po vija në parlament, ishte rrethuar me policë, sepse ju u trembët nga vezët. Veza është akt civil, jo dhune. Dhe ata që kanë marrë përsipër vezët duhet të vijë turp. Edhe ata që janë mbushur koshat e plehrave me fotot e tyre.
Sidomos ty z.Balla, janë mbushur koshat me fotot tuaja. Qetësia e vetme që gjeni është në Bruksel, duke luajtur me letra. Ju me paratë e buxhetit paguani një këngëtar që është adhurues i Hitlerit”, tha Kapri mes të tjerash.
Ai akuzoi mazhorancën se po cenon funksionimin e Kuvendit, duke deklaruar nga foltorja se kërkesat e tij për interpelancë dhe për pyetje-përgjigje janë anuluar në mënyrë të paligjshme.
Kapri tha se Parlamenti është kthyer në një institucion ku shkelen rregullat dhe Kushtetuta, ndërsa kritikoi edhe ministrin e Brendshëm për situatën në Policinë e Shtetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje