.png)
Nga Gazeta ‘Si’- Kryeministri Edi Rama ka zgjedhur sërish rrjetet sociale për të reaguar ndaj protestave qytetare që po zhvillohen kundër projektit të investimit në Zvërnec.
Përmes një gjuhe ironike, Rama i ka cilësuar tubimet si një “revolucion imagjinar i flamengove”, duke shprehur keqardhje për fjalimet e mbajtura atje.
Nga ana tjetër, Rama ka pranuar se po argëtohet pa masë me memet e krijuara në rrjet, duke përgëzuar publikisht autorët e tyre për kreativitetin.
Ai ka shtuar me shaka se disa prej memeve të tij të preferuara nuk mund t’i publikojë dot, pasi sipas tij janë “shumë të nxehta” dhe mund të ndezin keqkuptime të reja.
Rama këmbëngul se frika ndaj këtij investimi është sipas tij tërësisht e pabazuar, duke e cilësuar atë si një projekt madhor që do të transformojë më tej Shqipërinë.
Ndërkohë prej më shumë se një jave, në Tiranë qytetarët kanë mbajtur protesta, në Bulevardin para Kryeministrisë, ku kërkojnë anulimin e projektit. Me thirrje dhe pankarta në duar, ata kanë paraqitur kërkesat e tyre, mes tyre edhe dorëheqja e Ramës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje