.png)
Nga Gazeta Si- Një francez, i cili nuk ishte në bordin e anijes turistike të mbushur me virusin e minjve, është infektuar me Hantavirus pasi ka udhëtuar me një pasagjer të infektuar.
Ky shënon rastin e parë të sëmundjes vdekjeprurëse tek një pacient që nuk ishte në anijen MV Hondius, ndërsa hantavirusi arrin në Europë.
Kjo vjen në një kohë kur një britanik, mjeku i anijes dhe dy të tjerë u evakuuan nga anija për arsye mjekësore.
Dhe një pacient me hantavirus, i cili ka qenë pasagjer në MV Hondius, po trajtohet në Zyrih të Zvicrës.
Ministria zvicerane e Shëndetësisë konfirmoi rastin dhe tha se Spitali Universitar i Zyrihut ishte “i përgatitur për t’u marrë me raste të tilla, është në gjendje të kujdeset për pacientin dhe të garantojë sigurinë e stafit dhe të të gjithë pacientëve”.
Ai theksoi se “aktualisht nuk ka rrezik për publikun zviceran”.
Oceanëide Expeditions tha se dy nga tre pacientët e dërguar nga anija me avionë kishin simptoma akute, dhe i treti ishte “i lidhur ngushtë” me pasagjerin që vdiq më 2 maj.
Një nga ata që u evakuuan ishte një anëtar britanik i ekuipazhit, i cili mendohet se e kishte marrë virusin gjatë trajtimit të pacientëve.
Dy pacientët e tjerë që u evakuuan në Holandë janë një anëtar holandez i ekuipazhit dhe një pasagjer gjerman.
Pasagjeri gjerman do të transferohet më pas për kontrolle në Dusseldorf.
“OBSH-ja vazhdon të punojë me operatorët e anijes për të monitoruar nga afër shëndetin e pasagjerëve dhe ekuipazhit, duke punuar me vendet për të mbështetur ndjekjen e duhur mjekësore dhe evakuimin aty ku është e nevojshme”, tha Drejtori i Përgjithshëm i OBSH-së, Dr. Tedros Adhanom Ghebreyesus.
Gjithashtu po rritet frika se pasagjerët që ndanë një fluturim me një grua të infektuar mund të bëhen super përhapës.
Autoritetet po përpiqen të gjurmojnë kontaktet e një gruaje 69-vjeçare holandeze që zbriti nga MV Hondius në një nga ishujt më të largët në botë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje