.png)
Nga Gazeta Si- Këshilli i Ministrave miratoi sot vendimin për rritjen e shpërblimeve për sportistët elitarë dhe trajnerët e tyre.
Pas mbledhjes së qeverisë, ministri i Turizmit, Kulturës dhe Sportit Blendi Gonxhja tha për mediat se “me këtë vendim garantohet një skemë më e drejtë për shpërblimet për sportet në disa disiplina. Ky vendim do të ketë efekt duke filluar nga muaji prill 2026”.
Gonxhja sqaroi se sipas vendimit masa e shpërblimit shkon nga 40% që ishte në 75% për sportet jo olimipike.
Po ashtu, rritet me 50% nga 40% që ishte, masa e shpërblimit për trajnerët e këtyre sportistëve elitarë.
“Rritet me 43% trajtimi ushqimor ditor për sportistët elitarë. Ishte 3500 lekë mbështetja në ditë dhe shkon në 5 mijë lekë në ditë”, tha Gonxhja.
Më tej Gonxhja tha se do ketë rritje deri në 65% të shpërblimeve për stile të veçantë dhe rritje 100% për rezultatin përfundimtar”.
Gjithashtu ka një rritje deri në 200% ose trefishim për disa kategori në kampionate europiane dhe një rritje mesatare në 50% deri në 100% për të gjitha rezultatet e tjera.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje