.png)
Nga Gazeta ‘Si’- Presidenti Donald Trump njoftoi se marina amerikane ka ndaluar dhe marrë në kontroll një anije iraniane të sanksionuar në Gjirin e Omanit, pasi ekuipazhi refuzoi urdhrat për ndalim.
Nga ana tjetër, presidenti i Iranit Masoud Pezeshkian e quajti bllokadën amerikane në Ngushticën e Hormuzit shkelje të armëpushimit dhe në kundërshtim me Kartën e OKB-së, duke akuzuar SHBA-të për sjellje kërcënuese dhe mungesë serioziteti në negociata.
Ndërkohë ushtria iraniane ka paralajmëruar se do të kundërpërgjigjet së shpejti ndaj asaj që e cilëson si “pirateri të armatosur” nga SHBA-të në Detin e Omanit.
Sipas një deklarate nga komanda qendrore ushtarake iraniane, forcat amerikane qëlluan ndaj një anijeje tregtare iraniane, e dëmtuan dhe më pas hipën në bord, duke e marrë nën kontroll.
Zyrtarët iranianë e konsiderojnë këtë veprim si agresion dhe shkelje të armëpushimit, duke theksuar se një reagim nga ana e Iranit është i pashmangshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje